Samuxda qəza: ata və oğlu xəsarət aldı

Samuxun Əhmədbəyli kəndində yol qəzası baş verib.

Faktxeber.az-ın Teleqraf-a istinadən xəbərinə görə, sürücü qarşısına çıxan manedən qorunmaq məqsədi ilə idarəetməni itirib və avtomobil qəza törədib.

Nəticədə 1976-cı il təvəllüdlü Anar Quliyev və onun oğlu 2002-ci il təvəllüdlü Murad Quliyev müxtəlif dərəcəli bədən xəsarətləri alıblar. Yaralılar Gəncədə yerləşən xəstəxanalardan birinə yerləşdirilib.

Hadisə yerinə yol polisi əməkdaşları cəlb olunub.

Faktla bağlı araşdırma başlanılıb.